Мактабгача ёшдаги болалар ва биринчи синф ўқувчиларини бепул эмлаш учун Ўзбекистонга 2 миллион рус гриппига қарши «Grippol Plus» вакцинаси келтирилди. Бу ҳақда Мактабгача таълим вазирлиги хабар берди.

Маълумотларга кўра, грипп ва респиратор касалликларнинг олдини олиш мақсадида барча мактабгача таълим муассасалари тарбияланувчилари ва 1-синф ўқувчилари учун гриппга қарши марказлаштирилган бепул эмлаш учун мамлакатимизга 2 миллион дозали вакцина келтирилди.

Қайд этилишича, республикада бепул эмлаш учун 2753 та эмлаш пункти ташкил этилган.

Манба:xs.uz