Андижон 24

Мутахассис жавоби: БОЛА ПУЛИ КИМЛАРГА БЕРИЛАДИ?


03.06.2022   774

Ўзбекистон Республикаси Президентининг 2021 йил 11 августдаги Фармонига асосан бола пули 2021 йил 1 сентябрдан бошлаб, кам таъминланган оилаларга, яъни:

  • Оиланинг хар бир оила аъзосининг даромади 440 минг сўмдан кам бўлган оила кам таъминланган оила деб эътироф этилади.
  • Кам таъминланган оиланинг, 3 ёшдан 18 ёшгача бўлган битта фарзанди учун, 325 000 сўм, 3 ёшдан катта кейинги фарзанди учун 150 000 сўм, ундан кейинги фарзандлари учун 100 000 сўмдан тўланади.

Аввал эса, оиланинг 2 ёшгача ёки 14 ёшгача боласи учун алоҳида ҳужжат асосида бола пули расмийлаштирилар эди.

Болалар нафақаси олиш учун, МФЙга ариза ва оила ҳақидаги маълумотлар тақдим қилинади.

МФЙни вазифаси, Сиз тақдим қилган ариза ва маълумотларингизни Пенсия жамғармасига тақдим қилади. Пенсия жамғармаси эса, электрон шаклда аризангиздаги маълумотларни базага киритади. База эса барча керакли маълумотларни тўплаб, тайинланиш ёки рад қилинишини аниқлайди.

Билингки, бола нафақаси тайинланишида МФЙ ҳам, Пенсия жамғармаси ҳам аралаша олмайди ва ҳақ эвазига тайинланишига ёрдам бера олмайди.
Бир гап билан айтганда ИНСОН ОМИЛИ АРАЛАШМАЙДИ.

Агар бола пули тўғрилаб бераман дейишган бўлса, улар Сизни алдаган ва алдов эвазига тайинланиши керак бўлган нафақани расмийлаштириб бердим деб, Сизни пулингизни олган бўлади. Аслида эса, Сизга шундоқ ҳам тайинланиши керак бўлади.

Мисол учун оилада 4 киши, ушбу оилани ойлик даромади 1.760.000 сўмдан ошмаслиги керак. Оилада 5 киши оилани даромади 2.200.000 сўмдан ошмаслиги керак.

Дейлик, оила ишсиз ва уларни 3 ёшгача бўлган фарзанди учун нафақа олмоқчи. Бундай ҳолларда оиланинг боқувчиси ўзини-ўзи банд қилиш рўйхатидан ўтиши ва унга 1.644.000 сўм даромад хисобланиши ва мезонга кўра, 1.760.000 сўмдан ошмаслиги тушунилади.

Агар, оилани боқувчиси Чет давлатга ишлашга кетган ва чет давлатдаги иш ҳаққи тўғрисида маълумотнома бўлмаса, ушбу фуқарони ойлик даромади ҳам, бир ойига 1.644.000 сўм ҳисобланади.

Агар, оилада 4 киши, бироқ оиланинг кичик фарзанди 3 ёшдан юқори бўлса, автоматик тарзда текширувчи электрон база оилани эри ва хотини ҳақидаги маълумотлар тўлиқ эмаслиги сабабли бола нафақаси тайинлашни рад қилиши мумкин.