Бугун Марҳамат тумани Янги ҳаёт МФЙ ўрамида тадбиркор Тоҳиржон Болтабоев томонидан барпо этилган “Ғуломжон ҳожи ота” давлат хусусий шерикчилик асосидаги МТМ иш бошлади. Лойиҳа қиймати 5 млрд 850 млн сўм бўлган мазкур муассаса 300 нафар болаларни ўз бағрига олди ва 40 нафар фуқаронинг бандлиги таъминланди.

***

Ғ.Ғулом МФЙ ўрамидаги “Аср Зиё Болажон” номли давлат хусусий шерикчилик асосидаги мактабгача таълим муассасаси тадбиркор Дилшодбек Мўминов томонидан 4 млрд 750 млн сўм маблағ эвазига қуриб битказилди. Бино жами 240 ўринли бўлиб, 40 нафар фуқаро иш билан таъминланди.

***

Шўрқақир МФЙ ҳудудида эса тадбиркор Ҳайитхон Якубова томонидан қуриб битказилган “Дилдорахон қувноқ болажон” номли давлат хусусий шерикчилик асосидаги мактабгача таълим муассаси очилди. Лойиҳа қиймати 4 млрд сўмни ташкил этган мазкур боғча 225 ўринли бўлиб, 25 нафар ишчи ўрни яратилди.