Давлат тест маркази матбуот хизмати томонидан тақдим қилинган маълумотга кўра, муддатли ҳарбий хизматни ўтаётган ҳарбий хизматчиларга олий ўқув юртларига кириш учун ҳарбий тавсиянома бериш юзасидан тест синовларининг 2-ҳафтаси Миллий гвардияга қарашли ҳарбий қисмларда ўтказилди.

1 февралдан 6 февралга қадар ўтказилган тест синовларида 3 минг нафардан ортиқ ҳарбий хизматчи иштирок этди. 3 февралдан Ички ишлар вазирлигига қарашли ҳарбий қисмларда тест синовлари бошланди.

Бунда тест топширувчиларга жанговар тайёргарликдан 40 та, маънавий-маърифий тайёргарликдан 20 та, математикадан 10 та, физикадан 10 та ва 20 та мантиқий тест топшириғи берилмоқда.

Тест синовлари февраль ойи охирига қадар давом этади.

Манба: uza.uz