Бутун ер юзида сув тақчиллиги кузатилаётган бир пайтда ундан унумли фойдаланиш куннинг энг долзарб вазифаларидан бирига айланди. Қўрғонтепа туманидаги “Интер Агро Стар” фермер хўжалигида ҳам сувни тежаш мақсадида ёмғирлатиб суғориш усули жорий этилди.

-Экинни эгат орқали суғориш натижасида ҳар гектар ерга экилган буғдойдан 60-70 центнердангача ҳосил олиш мумкин,-дейди фермер хўжалиги раҳбари Носиржон Мадраҳимов. –Ёмғирлатиб суғориш орқалибу кўрсаткич 100 центнерданни ташкил этади. Сувни эса 50 фоизга тежаш имкони вужудга келади.

Ҳисоб-китобларга кўра, Туркиядан олиб келинган ускуналар учун сарфланган ҳаражат 3 йилда ўзини қоплайди ва ундан 25 йилгача самарали фойдаланиш мумкин. Бу эса қишлоқ хўжалигида, нафақат, ҳосилдорликка эришиш учун, балки, ҳаражатни иқтисод қилиш учун ҳам янги имконият эшикларини очади.

«auz.uz» online гуруҳи.