Жорий йилги куз-қиш мавсумига тайёргарлик жараёнида Избоскан туманида 72 та газ тақсимлаш қурилмаларини жорий созлов ва техник тафтишдан ўтказиш, 9.4 км қувурларни босим остида синаш ва тозалаш, 6.2 км ер ости қувурлар ҳолатини текшириш ҳамда 4.5 км қувурларни бўёқлаш режалаштирилган эди. “Избоскантумангаз” газ таъминоти филиали томонидан режадаги барча ишлар бажарилиб, мавсумга тайёргарлик ишлари ниҳоясига етказилди.

“Туманимизда янги ташкил этилаётган ёшлар саноат зонасига газ қувурлари тортилди. Газлаштириш ишлари ўз ниҳоясига етди. Энди ёшларимиз орасидан ўз тадбиркорлигини бошлашгава шу орқали бир неча юзлаб тенгдошларини иш билан таъминлашгаимкон яратилди, - дейди “Избоскантумангаз” газ таъминоти бўлими бошлиғи Рашидбек Бўронов.

Газ тақсимлаш қурилмаларини техник кўрикдан ўтказиш муҳим аҳамият касб этади. Айниқса қиш кунлари бехато ишлаши учун ҳар бир қисмларни тўлиқ кўздан кечириш керак. “Даминбойчек” МФЙ ўрамидаги 1 дона қурилма мукаммал таъмирдан чиқарилди.

Табиий газни узлуксиз ишлашида уларни ҳаво босими ёрдамида синаш ва ҳаво ёрдамида текшириш зарурий ҳолатдир. Мисол учун, “Сиза” автоматик газ тарқатиш шохобчасидан “Барҳаёт” МФЙ йўналишидаги диаметри Д-159 мм бўлган юқори босимли ер усти қувурининг 1 кмлик қисми тозаланди. “Пойтуғ” АГТШдан “Бештерак” МФЙ йўналиши бўйлаб юқори босимли диаметри Д-219 мм бўлган ер усти газ қувурининг 3 км қисми ҳаво босими ёрдамида синалди.

Қилинган ишлар натижаси ўлароқ,туманнинг 7 мингга яқин табиий газ истеъмолчилари жорий мавсумни хотиржалик ила ўтказадиган бўлдилар.

“Ҳудудгаз Андижон” газ таъминоти филиали матбуот хизмати