Бугун 10 октябрь куни Халқ депутатлари Андижон вилояти Кенгашининг навбатдаги сессияси бўлиб ўтди. Унда вилоятда “Аёллар дафтари”га киритилган хотин-қизлар муаммоларини ҳал этилиши, жиноятчилик ва ҳуқуқбузарликлар, оилавий ажримларнинг олдини олиш, йўлларда ҳаракатланиш тартиб-тамойилларига амал қилиш масалалари кун тартибига қўйилди.

Шунингдек, вилоятда соғлиқни сақлаш, экология, атроф-муҳитни муҳофаза қилиш, ҳамда маҳаллий бюджет ва бошқа долзарб масалалар юзасидан жорий йилнинг III – чорак якунлари бўйича ҳисоботлар таҳлил қилинди.

Сессияда ишида вилоят ИИБ жамоат ҳавфсизлиги хизмати ЙҲХБ ва унинг қуйи тизимлари томонидан жорий йилнинг III – чорак давомида йўл-транспорт ҳодисаларининг олдини олиш, ҳаракат ҳавфсизлигини таъминлаш, жамоат тартибини сақлаш борасида амалга оширилган ишлари тўғрисида маълумотлар берилди.

Шу билан бирга сессияда вилоят маҳаллий бюджетининг 2023 йил III – чорак ижроси тўғрисида ахборот берилди.

Сессия якунида кун тартибидаги масалалар юзасидан тегишли қарорлар қабул қилинди, вазифалар белгилаб олинди.

Auz.uz online гуруҳи.