Бугунги кунда аҳолига қулай шароит яратиш, уларни иссиқлик энергиялари билан таъминлаш долзарб масалалардан бири. Бу борада жойларда тизимлиишлар амалга оширилмоқда.

Хабарингиз бор, «Жаҳон банки»нинг кредит маблағлари ҳисобидан 2019-2024 йилларда Андижон, Чирчиқ, Бухоро, Самарқанд ва Тошкент шаҳарларининг марказлашган иссиқлик таъминоти тизимини реконструкция қилиш ва самарадорлигини ошириш лойиҳаси режалаштирилган эди.

Ушбу лойиҳа доирасида Андижон шаҳридаги РК-2 қозонхонасини модернизация ва реконструкция қилиш ишлари ҳам кўзда тутилган.

Унда 3 дона қозон ҳамда 27.5 км узунликдаги иссиқлик узатиш тармоқларини алмаштириш, лойиҳа ҳудудидаги 271 та кўп хонадонли уйлар ҳамда 30 та ижтимоий соҳа объектларига 373 та индивидуаль иссиқлик пунктлари ўрнатиш ишларини амалга ошириш белгиланган. Ҳозирда марказий қозонхона ишга тушган бўлиб, синов тариқасида 30 та ижтимоий соҳа объектларига иссиқлик энергиясини етказиб бермоқда.