Хорижда

СУРИЯ МАМЛАКАТ НЕФТЛАРИ ТАЛОН-ТОРОЖ ҚИЛИНГАНИ ЮЗАСИДАН АҚШГА ҚАРШИ ДАЪВО АРИЗАСИНИ КИРИТИШИ МУМКИН


27.12.2019   947

Сурия ҳукумати мамлакатдаги нефть ресурслари талон-торож қилинганлиги сабаб АҚШга қарши даъво аризасини киритиш ниятида. Бу ҳақда Сурия президентининг маслаҳатчиси Бусейн Шаабан маълум қилди, деб хабар беради «Коммерсантъ».

Маслаҳатчининг сўзларига кўра, ҳозирда халқаро даражада қандай қонуний чора кўрилиши мумкинлиги ўрганилмоқда.

«Биз Сурия нефтлари талон-торож қилингани устидан Вашингтонгга қарши даъво ишини тайёрламоқдамиз», — дейди Шаабан.

Октябрь ойида Дональд Трамп Суриядан Америка қўшинларини олиб чиқиб кетиш фонида у ердаги объектларни қўриқлашни давом эттириш режасини билдирганди. Мазкур баёнот Сурияда ўтказилган «Тинчлик булоғи» ҳарбий операцияси вақтида маълум қилинганди. Кейинроқ эса Вашингтон Суриядаги иштирокини янада кучайтириш режасини ошкор этди.

Манба: Daryo.uz