Хорижда

ПРЕЗИДЕНТ ЖАПАРОВ ЖАЛОЛОБОД ШАҲРИДАГИ ИЛК АДОЛАТ УЙИНИ (СУД БИНОСИ) ОЧДИ


27.07.2023   226

Қирғизистон Республикаси Президенти Садир Жапаров 27 июль куни Жалолбод вилоятига амалий ташрифи доирасида Жалолобод шаҳридаги Адолат уйини (суд биноси) очди.

Президент Администрацияси матбуот хизмати хабар беришича, мамлакатда амалга оширилаётгансуд-ҳуқуқ ислоҳотлари доирасида фуқароларнинг ҳуқуқларини ҳимоя қилиш учун сифатли шароитлар яратиш мақсадида Адолат уйлари очилмоқда. Турли инстанция судлари бир бинода жойлашган. Бунинг учун республика ҳудудларидаги йирик объектлар адлия идоралари тасарруфига ўтказилиб, улар давлат бюджети маблағлари ҳисобидан таъмирланмоқда.

Биринчи Адолат уйи 2023 йил март ойида Иссиқкўл вилоятининг Қоракўл шаҳрида ишга туширилган эди. У чегарачиларнинг эски казармасининг тўлиқ таъмирланган биносида очилди.

Жалолобод шаҳрида Адлия уйи собиқ университетнинг уч қаватли биносида жойлашган бўлиб, 2022 йилда Жалолобод вилоят суди балансига ўтказилган 8640 квадрат метр майдонга эга.

Объектни таъмирлаш ва реконструкция қилиш учун давлат бюджетидан 40 миллион сўмдан ортиқ, Президент жамғармаси ҳисобидан қўшимча 14 миллион сўм маблағ адратилди. Мазкур маблағ эвазига бинони реконструкция қилиш билан бирга суд залларидаги мебел жиҳозлари тўлиқ янгиланди. Судялар ва суд ижрочилари фаолиятига рақамли дастурлар киритилди. Ногиронлиги бўлган шахслар ва кексаларнинг адлия органларга мурожаат қилишлари учун шароит яратилди. Бу ҳақда akipress хабар берди.

7 та фасадни битта бинога жойлаштириш курернинг иши билан боғлиқ вақт ва пулни сезиларни даражада тежайди. Шунингдек, битта ойна принципи бўйича ишлаш учун шароит яратади. Демак, ҳар куни ўртача 350-400 нафар фуқаро Адлия уйидаги органларга турли масалалар бўйича мурожаат қилиши мумкин.

Президент Садир Жапаров ўз нутқида Қирғизистонда фуқаролар ва тадбиркорлар ҳуқуқларини керакли даражада ҳимоя қилиш учун мустақил ва адолатли суд тизими шаклланиши зарурлигини таъкидлади.

“Биз хусусий мулк дахлсизлигини, суд ҳимоясининг мавжудлиги ва суд тизимининг шаффофлигини таъминлашимиз керак. Охирги бир ярим йил давомида оширилган барча суд-ҳуқуқ ислоҳотларининг асосий мақсади ҳам шу”, - деди Садир Жапаров.

Сўз якунида давлат раҳбари суд-ҳуқуқ тизимини ислоҳ қилиш чора-тадбирлари доирасида бутун мамлакат бўйлаб судяларнинг ротацион хизмат кўрсатиш уйлари қурилиши ниҳоясига етаётгани ва вилоят адлия органлари учун янги замонавий иншоотлар барпо этилаётганини, янги Адлия уйлари тайёрланаётганини таъкидлади.