Олтинкўл туманида жорий йилда 4 минг 210 гектар майдонда буғдой етиштирилди. Шартнома режасига асосан, 12 минг 969 тонна ғалла топширилиши белгиланган.

Шу кунларда туманда ғалла ўримига қизғин киришилди. Мазкур йўналишдаги ишларни самарали ташкил этиш юзасидан тегишли чоралар кўрилганлиги яхши самара бермоқда.

Мавсумда 19 та ўрим комбайнидан фойдаланилмоқда, ишлар отряд усулида олиб борилмоқда. Қисқа муддатда тумандаги “Пахта юқори ҳосили”, “Аграрник”, “Моҳир соҳибкор мулки”, “Робия парранда кластер” сингари хўжаликлар ғалла топшириш режасини бажаришди.

Ўз мухбиримиз.