Хорижда

ҚОЗОҒИСТОНЛИК МАГНИТ-АЁЛ ГИННЕС РЕКОРДЛАРИ КИТОБИГА КИРИШИ МУМКИН


22.06.2019   531

Қозоғистоннинг Уральск шаҳрида истиқомат қилувчи Карлигаш Нигметова ўз қобилияти билан Гиннес рекордлари китобига киришни хоҳламоқда, деб ёзади Sputnik.

Нигметова магнит каби ўз баданида оғирлиги ўн кило бўлган темир буюмларни ушлаб туриши мумкин.

Масалан, аёл собиқ иттифоқ даврида ишлаб чиқарилган тўртда дазмолни (ҳар бири 1,5 кило) баданида бемалол ушлаб туриш қобилиятига эга.

«Ҳаммаси 26 йил муқаддам катта қизим туғилганда бошланди. Шифокорлар ўша вақтда менга – бўйин ва орқа умуртқа остеохондрози ташхисини қўйган. Мен уларга ишонмадим ва табибларга мурожаат қилдим, улар эса менга биомагнитизмни ривожлантиришни маслаҳат берди», — дейди Нигметова.

Бу маслаҳатга қулоқ солиб, аёл ўзида очилмаган қобилиятни ривожлантиришни бошлади.

«Одамзод организми имконияти чексиз. Лекин, афсуски, ҳамма ҳам буни билмайди. Мен бу қобилиятга эга бўлганимни англаб, ўз устимда ишлашни бошладим ва одамларга фойдам тегиши мумкинлигини тушундим», — деб таъкидлади аёл.

Аёл ўз қобилиятини одамлар фойдасига йўналтиришга қарор қилди. Бу қобилият билан у одамларни даволаши мумкинлигини тушунган ҳолда табиблик лицензиясини олиш учун Соғлиқни сақлаш вазирлигига мурожаат қилган.

Вазирликда ижобий қарор қабул қилиниб, унга тегишли ҳужжат расмийлаштириб берилди. Ҳозирги вақтда Карлигаш Нигметова ҳар куни беморларни қабул қилади.

Яқин вақтларда у Гиннес рекордлари китобига кириш учун ариза бермоқчи. У инсон қобилияти чексизлиги, одамлар ўз энергиясини бошқариши ва уни бошқа инсонларга ўтказиши мумкинлигини исботламоқчи.

Манба: daryo.uz