Хитой жанубида ёққан кучли ёмғир оқибатида камида 19 киши сув тошқинлари қурбони бўлди.

“Синьхуа” нашрига асосланиб ЎзА тарқатган хабарда жала олти шаҳарда сув тошқинларини келтириб чиқаргани маълум қилинган. Гуанси-Чжуан автоном туманидаги олти шаҳарда сув тошқинлари туфайли 12 киши ҳалок бўлган, 1300 уй-жой вайрон бўлиб, 570 минг киши жабрланган. 33,5 гектар ердаги қишлоқ хўжалик экинлари зарар кўрган. Шуандун провинциясида эса 7 киши ҳалок бўлган, бир киши бедарак йўқолган. 956 уй-жой вайрон бўлиб, 110 минг киши жабрланган.