Халқ депутатлари Андижон вилоят Кенгаши ҳузуридаги Жамоат фонди эълон қилади
![](http://auz.uz/uploads/thumbs/news/770x0_d7879c4bf4a2ff3dcfe30474cbe1c8ea.jpg)
07.02.2023 1206
Халқ депутатлари Андижон вилоят Кенгаши ҳузуридаги Жамоат фонди
томонидан 2023 йил ”Инсонга эътибор ва сифатли таълим йили”
муносабати билан “Жамият ислоҳотлар ташаббускори” мавзуида
Давлат грантлари ажратишучун 2023 йилнинг 1-танловини
Э Ъ Л О Н Қ И Л А Д И;
Танловда нодавлат нотижорат ташкилотлари, оммавий ахборот воситалари ва фуқаролик жамияти бошқа институтларининг қуйидаги йўналишлардагиижтимоий аҳамиятга лойиқ лойиҳалари кўриб чиқиш учун қабул қилинади:
1.”Нажот –таълимда, нажот – тарбияда, нажот - билимда” шиори остида таълим муассасаларида касб-ҳунарга қизиқтириш бўйича малакали мутахассислар томониданамалий мулоқотлар ташкил этиш:
2. Худудлардаги таълим муасассалари хамда маҳалла фуқаролар йиғинларида жангчи фахрийларни доим ёдда сақлаш мақсадида уларни жасоратларини тарғиб қилиш юзасидан маданий-маърифий тадбирлар ташкил этиш:
3. “Ҳар бир тадбиркор- ёшларга мададкор” ғояси асосида аҳоли, айниқса ёшларни касб-ҳунарга ўргатиш ҳамда тадбиркорлик фаолиятига жалб этиш орқали бандлигини таъминлаш;
4. Аҳоли ўртасида тўғри овқатланиш ва соғлом турмуш тарзи йўналишида тарғиботини кучайтириш:
5. Имконияти чекланган ва алоҳида эҳтиёжлари бор инсонларни, ногиронлиги бўлган шахслар хамда ёшларни ижтимоий қўллаб-қувватлаш, уларнинг турмуш тарзини яхшилаш;
6. Аҳоли ва таълим муассасалари ўқувчилари ўртасида биринчиёрдам кўрсатиш ўқув курслари орқали тиббий саводхонлигин ошириш:
7. “Соғлом турмуш тарзи-фаровонҳаёт” шиори остида хотин-қизлар ўртасида соғлом турмуш тарзини шакллантириш ва тиббий маданиятини ошириш;
8. Театр ва кино-ўтмиш ва ҳозирги замон кўприги. Маҳаллаларда кино саводҳонлигини ошириш, театрлар ижро этиш, аҳолини оммавий маданий хордик олишга жалб қилиш, миллий қадриятларни мустахкамлаш:.
9. Жамиятда миллатаро тотувлик, маданиятлараро мулоқотни мустаҳкамлаш, миллий бирдамлик ва ҳамжиҳатликни таъминлаш:
10. Жамиятда соғлом турмуш тарзига янада эътибор қаратиш, хотин-қизлар ва ёшлар ўртасида жисмоний тарбия ва спортни ривожлантириш, баркамол авлодни вояга етказишда кўмаклашиш:
12. ”Маҳалла- тинчлик ва осойишталик пойдевори, аҳиллик ва ҳамжихатлик, маърифат ва тарбия қўрғонидир” шиори остида, маҳаллалардаги ёшлар етакчилари томонидан тарғибот ва ташвиқот тадбирларини ташкил этиш:
13. “Касбим –фахрим” шиори остида маҳаллалардаги “Аёллар дафтари”га киритилган хотин-қизларни касб-ҳунарга йўналтиришга кўмаклашиш:
Танловда қатнашиш учун қуйидаги ҳужжатлар тақдим этилади:
1. Ташкилот раҳбари томонидан имзоланган ва муҳр билан тасдиқланган кузатув хати, муҳр билан тасдиқланган, имзо қўйилган бўлиши шарт;
2. Давлат гранти лойиҳаси учун ариза;
3. Охирги ўзгартиш ва қўшимчалар билан давлат рўйхатидан ўтган ННТлар ва фуқаролик жамияти бошқа институтларининг Устави (Низоми) нусхаси, хар бир бетида муҳр, печат билан;
4. Ташкилотнинг давлат рўйхатидан ўтганлиги тўғрисидаги гувоҳнома (нусхаси);
5. Агар лойиҳани амалга ошириш лицензияланадиган фаолиятни талаб қилса, унда лицензиянинг нусхаси;
6. Манфаатдор давлат ва жамоат ташкилотларининг тавсия ҳамда қўллаб-қувватлаш хатлари.
Битта лойиҳа учун ажратиладиган маблағ миқдори – 40 млн. сўмгача.
Ҳужжатлар 2023 йил 6 февралдан 6 мартгача қабул қилинади.
Танлов бўйича ҳужжатлар муҳрланган конвертда (А4 форматда): Андижон вилояти Андижон шаҳри, А.Навоий шоҳ кўчаси, 87-уй манзилда жойлашган “Маърифат уйи”нинг 3-қаватида жойлашган Халқ депутатлари Андижон вилояти Кенгаши ҳузуридаги ННТ ва фуқаролик жамияти бошқа институтларини қўллаб-қувватлаш Жамоат фонди номига юборилиши керак.
Танлов шартлари ва тақдим этилиши керак бўлган маълумотлар тўғрисида Халқ депутатлари Андижон вилоят Кенгаши ҳузуридаги ННТлар ва фуқаролик жамиятининг бошқа институтларини қўллаб-қувватлаш Жамоат Фондининг “Андижон вилоят Жамоат фонди” канали ва ижтимоий тармоқлар орқали танишиш мумкин.
Маълумот учун тел.: 93-422-50-36