Вилоят касаба уюшмалари ташкилотлари бирлашмаси тасарруфидаги "Боғишамол" болалар оромгоҳида 2018 йилги ёзги таътил мавсумида болаларни дам олдириш ва соғломлаштиришни ташкил қилиш масалаларига бағишланган ҳудудий семинар ташкил этилди.

Оромгоҳлар болаларни фақатгина соғломлаштириш масканлари эмас, балкиинтеллектуал ривожлантириш марказлари сифатида фаолият кўрсатиши зарур эканлиги таъкидланди.

- Жорий йилда вилоятда мавжуд ўн тўртта шаҳар ташқарисидагиболалар оромгоҳида 9 мингдан зиёд ўқувчиларнинг дам олиши учун шароит яратилди, - дейди вилоят касаба уюшмалари ташкилотлари бирлашмаси маданий-маърифий васпорт ишлари бўлими мудириНодира Абдураҳмонова. - Шунингдек, таълим муассасалари қошидаги 43 та кундузги болалар ва 10 та "Меҳнат ва дам олиш" оромгоҳлари ўн уч минг нафардан зиёд ўқувчиларни ўз бағрига олади.

Семинар давомида педагог кадрлар, етакчилар ва тўгарак раҳбарлари, спорт йўриқчилари, тиббиёт ходимлари, техник ва хўжалик ходимларининг тарбиявий ишларни кучайтириш, болалар саломатлигини мустаҳкамлаш, уларни қизиқишларига мувофиқ тўгаракларга жалб этиш, тегишли ҳужжатларни юритиш каби соҳалардаги билим ва кўникмалари оширилди.

Услубий қўлланмалар, тарқатма материаллар,плакатлар, оромгоҳларда фаолият юритиши режалаштирилган тўгарак ва кутубхоналар фаолиятига оид стендлар намойиш этилди.

У. МАМАРАСУЛОВ.