Фарғона водийси бўйлаб аҳоли ҳаракатини енгиллаштириш ва транспортга бўлган эҳтиёжини қондириш учун 331 километрлик халқа йўли бўйлаб ҳар ҳафтанинг сешанба кунлари бир маротаба Қўқон-Андижон-Қўқон йўналишида электропоезд қатнови йўлга қўйилди.

Андижон вилояти транспорт бошқармаси маълум қилишича, электропоезд ҳар сешанба куни Қўқон темир йўл вокзалидан соат 05:05 да йўлга чиқиб, Наманган орқали Андижон темир йўл вокзалига соат 10:11 да етиб келади. Соат 10:36 да эса Андижондан йўлга чиқиб, Марғилон орқали Қўқон шаҳри вокзалига соат 13:40 да етиб боради.

Манба: Андижон | Kun.uz