Шундай хулосага Россия олимлари келди.

Тадқиқотда COVID-19дан тузалган 22 ёшдан 50 ёшгача бўлган 50 нафар эркак, ва 44 нафар Спутник V вакцинаси билан эмланган эркак иштирок этди.

Мутахассислар Спутник V гормон даражасига таъсир қилмайди деган хулосага келишди, генетик таҳлил ҳеч қандай аномалиялар аниқламади. Бироқ, COVID-19 билан касалланган эркакларнинг кўрсаткичлари сезиларли даражада ёмон эди.

Россия Соғлиқни сақлаш вазирлигининг В.И.Кулаков номидаги марказида 200 аёл ва 200 эркак иштирокидаги яна бир тадқиқот ўтказилди. Олинган натижалар шуни кўрсатадики, Спутник V вакцинасидан фойдаланиш эркаклар ва аёлларнинг репродуктив функциясига салбий таъсир кўрсатмайди.

Ҳар қандай вакцинанинг репродуктив функцияга таъсири ҳақида гапирганда, олимларнинг таъкидлашича, вакцина препаратлари пайдо бўлган даврдан бошлаб (100 йилдан ортиқ), уларнинг репродуктив функцияга салбий таъсири тўғрисида ҳали ҳеч қандай маълумот аниқланмаган.

Манба: yuz.uz