Республика махсус комиссияси қарори билан карантин қоидалари кучайтирилган даврда белгиланган тартиб-таомилларга амал қилмаслик ҳамон кузатилмоқда.

Вилоят ички ишлар бошқармасида кунлик мониторинг ташкил қилинган бўлиб, вилоят бўйича ҳар 24 соатда аниқланган ҳолатлар қайд этиб борилмоқда. Бунда ички ишлар органлари, миллий гвардия, санитария-эпидемиология назорати давлат инспекциясининнг ҳамкорликдаги фаолияти давомида аниқланган маълумотлар умумлаштирилади.

Жумладан, 13 июль санасига 283 та қоидабузарлик рўйхатга олинди. Қайд этилганлар ҳолатларда Маъмурий жавобгарлик тўғрисидаги кодекснинг санитария қонун ҳужжатларини бузиш, эпидемияга қарши кураш қоидаларини бузиш каби МЖтК 53-м, МЖтК 54-м 1-қисм, МЖтК 54-м 2-қисм моддаларида кўзда тутилган хатти-ҳаракатлар содир этилган.

Энг юқори кўрсаткич Андижон шаҳрида - 43 та ва Жалақудуқ туманида 39 та ҳолат бўлса, Улуғнор (2 та) ва Пахтаобод туманларида (5 тадан) тартибга амал қилиш нисбатан яхши. Маъмурий жавобгарлик тўғрисидаги кодекснинг санитария қонун ҳужжатларини бузиш, эпидемияга қарши кураш қоидаларини бузиш каби МЖтК 53-м, МЖтК 54-м 1-қисм, МЖтК 54-м 2-қисм моддаларида кўзда тутилган хатти-ҳаракатлардан иборат.

16 мартдан бошлаб вилоят бўйича карантин қоидаларига 24 минг 399 та ҳолатда риоя қилмаслик аниқланган. Ҳуқуқбузарлардан бир миллиард сўмдан зиёд жарима ундирилди. Ниқоб тақмаслик ва вақтинча тўхтатилган савдо фаолиятини давом эттириш – энг кўп қайд этилган ҳуқуқбузарлик бўлиб қолмоқда. Ёш тоифаси бўйича 18-30 ёшлилар кўп қайд этилган. Иккита ҳолатда (Андижон шаҳри ва Қўрғонтепа тумани) оммавий тадбир ўтказиш кузатилди.

Вилоят ИИБ маълумотлари асосида тайёрланди.