Андижон 24

ЎЗБЕКИСТОН РЕСПУБЛИКАСИ МАРКАЗИЙ САЙЛОВ КОМИССИЯСИНИНГ ҚАРОРИ


21.09.2019   1728

ЎЗБЕКИСТОН РЕСПУБЛИКАСИ ОЛИЙ МАЖЛИСИ ҚОНУНЧИЛИК ПАЛАТАСИ ДЕПУТАТЛАРИ ВА МАҲАЛЛИЙ КЕНГАШЛАР ДЕПУТАТЛАРИ САЙЛОВИ БЎЙИЧА САЙЛОВ КАМПАНИЯСИ БОШЛАНИШИНИ ЭЪЛОН ҚИЛИШ ТЎҒРИСИДА

Ўзбекистон Республикаси Конституциясининг 117-моддасига
ва Ўзбекистон Республикаси Сайлов кодексининг 36-моддасига мувофиқ, Ўзбекистон Республикаси Марказий сайлов комиссияси

Қ А Р О РҚ И Л А Д И:

1. 2019 йил 22 декабрь – Ўзбекистон Республикаси Олий Мажлиси Қонунчилик палатаси депутатлари ва маҳаллий Кенгашлар депутатлари сайлови куни деб белгилансин.

2. Ўзбекистон Республикаси Олий Мажлиси Қонунчилик палатаси депутатлиги ва маҳаллий Кенгашлар депутатлигига сайлов бўйича сайлов кампанияси 2019 йил 20 сентябрдан бошланиши эълон қилинсин.

3. Ўзбекистон Республикаси Олий Мажлиси Қонунчилик палатаси депутатлари ва маҳаллий Кенгашлар депутатлари сайловини ўтказиш бўйича асосий тадбирлар дастури (бундан буён матнда – Асосий тадбирлар дастури) иловага мувофиқ тасдиқлансин.

4. Белгилаб қўйилсинки, сайловни ўтказиш билан боғлиқ барча тадбирлар Ўзбекистон Республикаси Марказий сайлов комиссияси, вилоят, туман, шаҳар сайлов комиссиялари ҳамда округ ва участка сайлов комиссиялари томонидан Ўзбекистон Республикаси Конституцияси, Ўзбекистон Республикаси Сайлов кодекси, шунингдек Асосий тадбирлар дастурига мувофиқ равишда амалга оширилади.

5. Мазкур қарор Марказий сайлов комиссиясининг расмий
веб-сайтида, «Ҳалқ сўзи» ва «Народное слово» газеталарида эълон қилинсин.

6. Мазкур қарорнинг ижросини назорат қилиш Ўзбекистон Республикаси Марказий сайлов комиссияси раисининг ўринбосари М. Истамов зиммасига юклансин.

РаисМ. Абдусаломов