Андижон 24

ЎЗБЕКИСТОН ОЛИЙ ТАЪЛИМ МУАССАСАЛАРИДА ЯНГИ ЙЎНАЛИШ ОЧИЛАДИ


17.12.2019   930

Ўзбекистон Республикаси норматив-ҳуқуқий ҳужжатлар лойиҳалари муҳокамаси порталига Вазирлар Маҳкамасининг «Умумий ўрта таълим муассасаларида ‘Тарбия’ фани босқичма-босқич амалиётга жорий қилиш чоралари тўғрисида»ги бўйича қарори лойиҳаси муҳокама учун жойлаштирилди.

Ҳужжатга мувофиқ Ўзбекистон Республикаси Олий ва ўрта махсус таълим вазирлиги:

  • олий таълим муассасаларидаги «Бошланғич таълим», «Тарих», «Ўзбек филологияси», «Миллий ғоя, маънавият асослари ва ҳуқуқ», «Педагогика ва психология» йўналишларида таҳсил олаётган 2019—2020-ўқув йили битирувчи курсларининг ўқув режа, дастур ва малака талабларига «Тарбия» фанини ўқитиш ҳуқуқини берувчи тегишли ўзгартириш ва қўшимчалар киритади;
  • 2020—2021-ўқув йилидан педагогик кадрлар тайёрловчи олий таълим муассасаларида «Миллий ғоя, маънавият асослари ва ҳуқуқ таълими» йўналиши ўрнига «Тарбия ва ҳуқуқ таълими» йўналишини очиш чораларини кўради.
  • Ўзбекистон Республикаси Халқ таълими вазирлиги, Адлия вазирлиги, бошқа манфаатдор вазирлик ва идоралар билан биргаликда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритади.

Манба: Daryo.uz