Андижон 24

УРУШ ФАХРИЙЛАРИ КУТИБ ОЛИНДИ


10.05.2018   1439

Иккинчи жаҳон урушида мардоновор жанг қилиб, фашизмга қарши курашда мислсиз жасорат кўрсатган андижонлик уруш қатнашчилари пойтахтда 9 май — Хотира ва Қадрлаш куни муносабати билан бўлиб ўтган Ўзбекистон Республикаси президенти Шавкат Мирзиёев билан учрашувдан қайтиб келдилар. Уларни Андижон темир йўл бекатида вилоят, туман ва шаҳар ҳокимликлари ҳамда жамоатчилик вакиллари, оила-аъзолари кутиб олдилар.

Бизга кўрсатилган эътибор, иззат-икромдан жуда мамнун бўлдик,-дейди уруш фахрийси, булоқбошилик Абдуғани хожи ота Ғоффоров.-Президентимиз бизлар билан дилдан суҳбат қурдилар. Ўз маърузасида “Сиз, азизларни биз фашизмга қарши мардона курашган, буюк Ғалабага беқиёс ҳисса қўшган, Ватанимизнинг ҳақиқий қаҳрамонлари, деб биламиз ва сизлар билан чексиз фахрланамиз. Сизларнинг бугун орамизда мана шундай нуроний бўлиб, дуогўй бўлиб юришларингиз биз учун, албатта, катта бахт, катта давлатдир”, дея бизни кўкларга кўтардилар. Юртбошимиз узоқ йиллар бизларга бош бўлиб юрсин. Мана шундай маъмурчилик, тўкинлик, бунёдкорлик ишлари бардавом бўлсин.

Ҳар қанча эъзоз ва эътиборга муносиб фахрийларимиз кўтаринки кайфиятда, ҳурмат ва эҳтиром билан уйларига кузатиб қўйилди.

Муроджон Тўхтаназаров