«102» хабарлари

«Тез ёрдамда»ги ўғри


02.02.2018   643

Андижон шаҳрида яшовчи фуқаро У.Г. Андижон шаҳар ИИБга ариза билан мурожаат қилиб, 2018 йил 12 январь куни соат 07:00 ларда яшаш уйи меҳмонхонасидаги телевизори устидан нархи 24.000.000 сўмлик тилла тақинчоклари: 1 дона сепочка, 1 дона узук, 1 дона брасслет ва 1 жуфт зираклари номаълум шахс томонидан ўғирлаб кетилганлигини, ўзи излаб топа олмаганлигини билдирган. Кўрилган тезкор чоралар натижасида номаълум шахс Андижон туманида истиқомат қилувчи фуқаро А.Л. бўлиб чиқди. Олиб борилган профилактик суриштирув ишлари натижасида фуқаро А.Л. 2018 йил 12 январь куни соат 06:30 ларда, У.Г.нинг чақирувига асосан яшаш уйига тез-тиббий ёрдам автомашинасида келиб, биринчи тиббий ёрдам кўрсатиб чиқиб кетаётиб, юқоридаги буюмларини ўғирлаб кетганлиги аниқланди. Мазкур ҳолат бўйича Андижон шаҳар ИИБ ҳузуридаги ТБ томонидан Ўзбекистон Республикаси Жиноят Кодексининг 169-моддаси 1-кисми билан жиноят иши қўзғатилиб, тергов ҳаракатлари олиб борилмоқда.

Андижон вилояти ИИБ матбуот хизмати.