Шерлар тўдаси браконьерларни еб қўйди
01.03.2018 1510
Зимбабве (Африкада)даги Хванге миллий боғида 20 та шердан иборат тўда браконьерлар гуруҳига ҳужум қилди, деб ёзади National Geographic.
Калашников автоматлари билан қуролланган ўн браконьер бирорта ҳам ўқ узишга улгурмай қолган. Натижада беш киши ҳалок бўлди, уч киши оғир, икки киши енгил жароҳатлар олди, жониворларга эса зарар етмаган.
Даволаниб бўлгач, браконьерлар судда қилмишлари учун жавоб беришади. Зимбабведа бундай қонунбузарлик учун 25 йиллик қамоқ ва 100 минг долларгача жарима кўзда тутилган.