ЖАМИЯТ

ШАҲРИХОНДА ХАЙРИЯ АКЦИЯСИ


03.04.2020   4051

Азалдан юртимизда якка-ёлғиз, ногиронлиги бўлган шахслар, ёши улуғ инсонлар, боқувчисини йўқотган оилалар ҳолидан хабар олиш, уларга меҳр-мурувват кўрсатиш анъанага айланган. Бугунги синовли кунларда қадрият даражасига кўтарилган бу анъана янада кенг кўлам касб этди.

Шаҳрихон тумани хокимлиги, секторлар раҳбарлари, Бош прокуратура ҳузуридаги иқтисодий жиноятларга курашиш департаменти, Маҳалла ва оилани қўллаб-қувватлаш туман бўлимлари, саховатли тадбиркорлар томонидан тумандаги мана шундай оилалар ҳолидан мунтазам хабар олинмоқда.

Бугун туманда фаолият кўрсатаётган “SDK GROUP AND” хорижий корхонаси (Фильтр заводи) томонидан кўмакка муҳтож, кам таъминланган 40 та оилага салкам 50 миллион сўмлик ёрдам кўрсатилди. Жумладан, бу оилаларга ун, гуруч, гўшт, ўсимлик ёғи, макарон, картошка, пиёз, сабзи, тухум каби озиқ-овқат маҳсулотлари, тиббий ниқоблар ва 100 минг сўмдан пул маблағи тарқатилди.

Хурсандбек АРАББОЕВ.