ЖАМИЯТ

«САХОВАТ ВА КЎМАК» УМУМХАЛҚ ХАРАКАТИДА ФАОЛ ҚАТНАШАМИЗ


21.04.2020   2244

Жалақудуқ тумани ҳокими Фурқатбек Бузруковнинг коронавирус пандемияси хатарини камайтириш, эпидемияга қарши кураш шароитида аҳолининг ижтимоий ҳимояга муҳтож қатламини ва ишсизларни иш билан таъминлаш бўйича Жалақудуқ туманида фаолият юритаётган барча тадбиркорлар, ташкилот, корхона ва фермер хўжаликлари раҳбарларига ҳамда саховатпеша инсонларга

М У Р О Ж А А Т И

Қадрли юртдошлар! Азиз Жалақудуқликлар!

Жорий йилнинг 20 апрель куни Ўзбекистон Республикаси Президенти Шавкат Мирзиёев мамлакатимизда коронавирус эпидемиясига қарши ўз вақтида кўрилган чора-тадбирлар натижасида кўплаб ҳудудлар бу хавфдан сақланиб қолган бўлсада, аксарият вилоят ва туманларда мавжуд корхоналар ўз ишини тўхтатгани ёки тўлиқ қувват билан ишламаётгани натижасида ҳудудлар иқтисодиёти ва ижтимоий соҳага, аҳоли ҳаётига бу хатар салбий таъсир кўрсатаётганини таъкидлади.

Халқимизнинг тарихий ва маънавий қадриятларини, ўзгаларга меҳр-саховат, оқибат ва ҳиммат кўрсатиш каби юксак фазилатларини инобатга олган ҳолда, Президентимизнинг мамлакатимизда эълон қилган “Саховат ва кўмак” умумхалқ ҳаракатини изчил қўллаб-қувватлаб унинг ижросини туманимизда таъминлаш мақсадида

Халқимиз дастурхонини нози-неъматларга тўлдираётган мард ва танти тадбиркорлар, фермер хўжаликлари раҳбарларининг хизматлари беқиёс!

Ҳадемай, барчамиз учун муқаддас бўлган Рамазон ойи ташриф қилади. Ўз-ўзидан маълумки, халқимизнинг қадриятларига айланган ойда эхтиёжманд ва муҳтож, кам таъминланган оилаларга, кекаса, ҳаста-ҳол, ногирон, кишиларга меҳр-саховат кўрсатиш, оқибатли бўлиш ҳам қарз, ҳам фарзимиздир.

Сизларнинг ушбу муқаддас ойда, қолаверса пандемия шароитида ўзингиз фаолият юритаётган ҳудудда ижтимоий ҳимояга муҳтож аҳолига, авваламбор маҳалладошингизга, қўни-қўшнингизга зарур бўлган кундалик озиқ-овқат масулотларини етказиб бериш билан кўмаклашасиз, асосий истеъмол товарларига бўлган эхтиёжини таъминлаб, юксак инсоний бурчингизни чуқур ҳис этиб, уларни, албатта оталиққа олишингизга ишонамиз!

Эхтиёжманд оилаларда истиқомат қилаётган бир нафар фуқаронинг асосий истеъмол товарлари ва озиқ-овқат маҳсулотларига бўлган ойлик эхтиёжи ҳисоб-китоб қилинганда, ҳар бир фуқарога 18 000 сўмлик 6 кг буғдой уни, 21 000 сўмлик 3 кг гуруч, 5 000 сўмлик 0,5 кг ўсимлик ёғи, 635 сўмлик 318 грамм йодланган туз, 1 500 сўмлик 100 грамм чой, 2 750 сўмлик 0,5 кг шакар, 1 750 сўмлик 500 грамм макарон, 20 000 сўмлик 5 кг картошка, 9 000 сўмлик 3 кг пиёз, 4 500 сўмлик 3 кг сабзи, 10 000 сўмлик 0,5 кг товуқ гўшти, 6 300 сўмлик 9 дона тухум, 100 000 сўмлик нақд пул, жами 200 435 сўм ҳаражат қилиниши маълум бўлди. Бу қўлида бор, оиласининг, жамоасининг эхтиёжидан ортганини эзгу амалларга сарфлайдиган, ишлатадиган кишиларимизга оғирлик қилмайди деб ўйлаймиз.

Қадрли юртдашлар!

Сизлар Рамазон ойида амалга оширадиган эхсон ва хайрияларингизни манзилли ташкил этиб, ифторликларга сарфланадиган маблағларингизни ҳамда ажратадиган озиқ-овқат маҳсулотларингизни аҳолининг ана шу кам таъминланган қатламларига йўналтиринг!

Зеро, Яратган ҳам кўли очиқ, саховатли кишиларга ўз неъматларини аямайди; бойлигига бойлик қўшади, мартабасини баланд, ризқ-насибасини улуғ қилади.

Қўли очиқ, пок ниятли, саҳоватпеша юртдошлар!

Туманимизда ҳам эл бошига иш тушганда, кўксини қалқон, борини талқон қилиб, кўпга ризқ улашишга тайёр, олижаноб, жасорат кўрсатишга-да, қодир тадбиркорлар, фермер хўжаликлари раҳбарлари, ташкилот ва корхона мутассадилари бу синовлар қаршисида елкама-елка туриш маъсулиятидан ўзини четга олмайдиган фидоийларимиз кўб деб ишонамиз.

Сизлар ўз имкониятларингиздан келиб чиқиб, ишсиз, кам таъминланган оила аъзоларини, фуқароларни фойдали ишларга жалб қилиш билан уларга амалий ёрдам кўрсатинг!

Уларга моддий ва маънавий кўмак беринг!

Зеро, Оллоҳ ҳам оғир кунларда кўмакка муҳтож бўлган кишиларга оқибат кўрсатган, кўлини узатган, уларга қалбини очган, меҳрини аямаган инсонларни суйгувчидир! Олийжаноб эзгу амалларни беминнат, юракдан чиқариб амалга ошираётган тадбиркор ва фермер хўжаликлари, корхона, ташкилотлар жамоларини ҳам Хукуматимиз, Муҳтарам Президентимиз эътиборидан четда қолдирмайди, уларга солиқ, лизинг, кредит тўловлари, зарур ресуслар билан таъминлаш бўйича турли имтиёз ва преференциялар берилади, албатта. Фермер хўжаликлари оладиган минерал ўғит, нефт махсулотлари, банк кредит маблағларининг фоизлари камайтириб берилиши кўзда тутилмоқда. Бу ўз навбатида аҳолига давлат томонидан тадбиркорлик субъектлари орқали кўсатиладиган амалдаги саховат ва кўмаклар учун асос бўлади.

Азиз юртдошлар, юртимизда карантин талабаларига қаътий амал қилган ҳолда унинг чекловларини босқичма-босқич юмшатиш аҳамиятини тўғри тушуниб, Президентимизнинг “Саховат ва кўмак” умумхалқ ҳаракати ташаббусида фаол иштирок этайлик!

Давлатимиз ва халқимиз қудратининг амалий намоёнига айланадиган бу жараёнда халқимизга хос оғир босиқлик, ақл-тафаккурни ишга солиб, юксак талабчанлик кўрсатайлик!