29.04.2021   765

Ватан остонадан бошланади дейдилар, тўғри, Ватан остонадан бошланади. Аммо менинг наздимда Ватан она алласидан бошланади. Мурғак гўдак бокира кўзчалари билан бу дунё сеҳрига ҳайрон боқар экан, илк бора алла деб аталмиш сеҳрли қўшиқни она тили орқали ўз вужудига сингдиради. Тириклик дунёсида яшаётган ҳар бир инсон борки, илк бора инггалаб йиғлаган чоғида, айтадиган бир сўзи она бўлади. Ўша сўз менинг жоним озиғи бўлган тилимда жаранг сочади. Бежизга Ватан ва тилни онага қиёс қилишмаган. Она Ватан ва она тилим! Булар мен учун эгиздай гўё. Булар менинг борлиғим, руҳим ғизо оладиган вужудим, жон томирим азиз замондош!

Шу ўринда беихтиёр менга онам алласидайсуюк бўлган тилимга тириклик дунёсининг ҳар бурчида бўлаётган муносабатни кузатиб ўйга чўмаман,юрагимни оғриқлар ғижимлайди. Кўнглим ўртанади. Ахир, биз, "Илдизи бақувват халқнинг фарзандларимизку!" дейман ўзимга...

27 апрель куни Қонунчилик палатаси мажлисида муҳокамадаги ҳужжат бўйича қизғин қарама-қаршиликлар кузатилди. "Давлат тили тўғрисида"ги қонун лойиҳасини иккинчи ўқишда кўриб чиқиш жараёнида депутатлар лойиҳанинг 12-моддаси бўйича уч фронтга бўлинишди. Айни пайтда парламентдаги ХДП вакилларининг қарши овоз берганидан бир зиёли сифатида дилим оғриди, юрагим ларзага келди.Ўз ўрнидаХДП вакилларига нималарнидир эслатиб қўйгим келди:

-Биласизми, бугун Сизла дунё харитасида ўзбекнинг борлигини билдирадиган Худонингнеъмати, она тилим ҳақида диллашмоқ истадим. Бугунги кунда биз бу рўйи заминда Алишер Навоийнинг навобахш битиклари, Абдулла Қодирийнинг ҳаётий ҳақиқатлари, Муҳаммад Юсуфнинг ВАТАН ҳақидаги гўзал ашъорлари, Усмон Носирнинг нидолари, Эркин Воҳидовнинг “Ўзбегим” деган ҳайқириқлари, “Мен нечун севаман, Ўзбекистонни” дея юртга фарзандлик меҳрини изҳор қилган ва буни олий бахт деб билган Абдулла Ориповнинг дур мисралари, Ойбекнинг виқорла ўшшайган қоя лабида нафис чайқалган наъматакнинг тебранишлари, Ҳамид Олимжон ва Зулфияхонимнинг садоқат достонлари, Саид Аҳмад ва Саидахонимнинг вафодан сўзлаган битиклари шу тилда куйланадиган энг гўзалкунни айём сифатида нишонлаймиз.Шу ўринда Муҳтарам Юртбошимиз Шавкат Мирзиёевнинг қуйидаги сўзларини келтиришни жоиз деб биламан: “…1989 йил 21 октябрь! Юртимизда мустабид тузум ҳали ўз ҳукмини ўтказиб турган ғоят оғир шароитда халқимизнинг тақдири ва келажагини ҳал қиладиган Қонун –“Ўзбек тилига Давлат тили мақоми бериш тўғрисида”ги Қонун қабул қилинди. Бу муҳим ҳужжатнинг қабул қилинишида фидоий ва ватанпарвар зиёлиларимиз, кенг жамоатчиликнинг қатъий шижоати ҳамда Биринчи Президентимиз муҳтарам Ислом Абдуғаниевич Каримовнинг сиёсий иродаси катта ўрин тутди”. Ҳа, бу Қонуннинг қабул қилиниши миллатнинг мустақиллик сари қўйган залворли қадами эди. Бугун бу сўзлар қанчалик ҳақиқат эканлигини ҳаётнинг ўзи исботлаб турибди. Айниқса, Юртбошимиз томонидан ҳар йили 21 октябрни Ўзбек тили байрами куни деб эълон қилиниши кўнгилларни яшнатиб юборгани бизни осмон қадар шодлантиргани бор гапку! Албатта, бу куннинг байрам қилиниши, ўзбек тилига эътибор ва унинг ривожи учун қилиниши зарур бўлган хайрли ишларнинг бошланганига сабаб бўлса ажаб эмас.Шу ўринда ҳаяжонимни бир сўзда ифода этмоқ истаяпман. Қадринг баланд бўлсин, эй она тилим дегим келаяпти. Жаннатмонанд ўлканинг ҳар бурчида ўзининг бахтиёрлигидан шодланиб яшаётган юракларни барчаларини жон томирим тилимизга бўлган чексиз меҳр ва муҳаббат тарк этмаслигини истаган ҳолда, Сизга илинган ва Сизга соғинган гўзал изҳорларимни шеърим билан йўллагим келаяпти…

Туғилдим,

Қулоғимгаазонайтилди.

Жонимга кирди У,

Иймон мисоли.

Ҳали,

Дунё нелигини англамасимдан,

Cездим…

Она тилим,

Миллаттимсоли!

Бешигимда,

Орзугатўла,

Онам айтган ширин ашула,

Сен тожимсан, бошимда шуъла,

Она тилим,

Миллаттимсоли!

Бебаҳосан,

Қийматинг улкан,

Миллат кема,

Сен эса елкан,

Неъматимсан,

Сен Худо берган,

Она тилим,

Миллаттимсоли!

Сен ўзлигим ўзаги, дурсан,

Етти олам тожи, ҳузурсан,

Миллатимнинг шани,ғурурсан,

Она тилим,

Миллаттимсоли!

Сен,онамнинг кўҳна кечмиши,

Соҳибқирон Темур ўтмиши,

Миллатнинг, МИЛЛАТДЕК ўсиши,

Она тилим,

Миллаттимсоли!

Сен бор-ки, Навоий султондир,

Фитрат-ФИТРАТ, Чўлпон-ЧЎЛПОНдир,

Сен бор, бугун бошим осмондир,

Она тилим,

Миллаттимсоли!

Жойнамозда ёғилган, НУРсан,

Муҳаммадлар туғилган, Ҳурсан,

Беклигимга безак, машҲУРсан,

Она тилим,

Давлат тимсоли!

Бебаҳосан,

Қийматинг улкан,

Миллат кема,

Сен эса елкан,

Неъматимсан,

Сен Худо берган,

Она тилим,

Давлат тимсоли!

Хулоса ўрнида шуни айтмоқчиман-ки,ҳозирдалойиҳа учинчи ўқишга қолдирилган, ўйлаймизки, отахон партия вакиллари бу ерда она тилимизни беҳурмат қилиш истаги йўқ эканини айтишади ва ҳаммамизни бу карахтликдан халос қилишади. Шу билан биргаликда, сўз мулкининг султони ҳазрат Навоий ҳақорат ботқоғидан шодлик осмонининг энг олий пештоқига олиб чиққан жон озиғимизнинг ривожи учун курашишга барчамизни даъват этади.

Мирзоҳид БОТИРОВ,

Андижон давлат тиббиёт институти

Ёшлар билан ишлаш бўйича проректори,фалсафа доктори