Вилоят адлия, миграция ва фуқароликни расмийлаштириш бошқармаси, нотариал идоралари масъул ходимлари иштирокида Андижон шаҳрининг Ҳақиқат ва Саховат маҳаллалари ҳудудида яшаётган фуқаролар билан учрашувлар ташкил этилди.

– Уй шароитида туғилган 100 дан зиёд шахсга туғилганлик ҳақидаги далолатнома қайд этилмаганлиги аниқланди, – дейди вилоят ИИБ миграция ва фуқароликни расмийлаштириш бошқармаси катта инспектори Жаҳонгир Исмоилов. – Оила вакиллари кам таъминланганлар рўйхатида туришини инобатга олиб, ДНК хулосаси учун тўловларга ҳомийлар томонидан пул маблағлари ажратилиши режалаштириляпти.

– Мулоқот давомида мутахассисларимиз ҳуқуқий ёрдам кўрсатмоқдалар, – дейди вилоят адлия бошқармаси бошлиғининг ўринбосари Адҳамжон Каримов. – 16 ёшдан ошган, туғилганлик ҳақидаги далолатномаси қайд этилмаган 20 дан ортиқ фуқароларнинг даъво аризалари тайёрланди.

Шундай учрашувлар Улуғнор туманида ҳам давом этмоқда. Фуқароларнинг муаммоли масалалари қаноатлантирилмоқда.

Жаҳонгир СОДИҚЖОНОВ.

Суратларда:фуқаролар билан учрашувлар пайти.

Рустамжон ЭШОНОВ

олган суратлар.