"Меҳр-4" операцияси доирасида халқаро террорчилик ташкилоти сафларига қўшилиб, Афғонистонда яшаб келган 24 нафар Ўзбекистон фуқаролари олиб келинди. Уларнинг 19 нафари болалардир. Бу ҳақда Сурхондарё вилояти ИИБ хабар берди.

Яқинда Афғонистон ва Покистон Ислом Республикаси ҳудудларида ташкил этилган халқаро террорчилик ташкилоти сафларига бориб қўшилиб, кейинчалик Афғонистон Ислом Республикасининг ҳудудига ўтган, шунингдек, ушбу ҳудудда яшаган шахсларнинг бир гуруҳи «Меҳр операцияси - 4» доирасида юртимизга олиб келинди.

Афғонистоннинг ҳамкор ташкилотлари кўмагида олиб келинган 24 нафар ана шундай шахслар Сурхондарё вилоятининг Термиз тумани ҳудудида жойлашган «Айритом» чегара пости орқали кутиб олинди ва тиббий кўрикдан ўтказилиб, вилоят ҳокимияти, Давлат хавфсизлик хизмати вилоят бошқармаси, вилоят Ички ишлар бошқармаси ҳамда соғлиқни сақлаш муассасалари раҳбарлари иштирокида Термиз туманидаги «Даволаш ва соғломлаштириш» маркази биносига жойлаштирилди.

Мазкур «Даволаш ва соғломлаштириш» маркази барча шарт шароитларга эга бўлиб, шай ҳолга келтирилган.

Манба: yuz.uz

https://yuz.uz/news/afgonistondan-24-nafar-ozbekis...