Ушбу сарлавҳа остида келиб тушган видео мурожаат юзасидан туман тиббиёт бирлашмаси ишчи гуруҳи томонидан ўрганиш ишлари олиб борилди ва қуйидагилар аниқланди:

Ушбу видеолавҳа “COVID-19 билан касалланган ёки касаллиги тасдиқланмаган, аммо клиник белгилари мавжуд бўлган беморлар” учун ташкил қилинган махсус шифохонада бемор М.Д томонидан жорий йилнинг 2020 йил 13-октябр куни тунги соат 2:00 лар атрофида тасвирга олинган. Ушбу шифохонада 8 соатли иш жадвали асосида иш олиб борилади.

Видеолавхада ухлаётганлиги кўрсатилган ҳодимлар соат 16:00 дан 24:00 га қадар иш фаолиятида бўлиб, навбатчилик алмашилгандан сўнг ярим тун бўлганлиги сабабли тонг отишини кутиб шу ерда қолишга қарор қилган тиббиёт ходимлари эканлиги аниқланди. Навбатчиликда бўлган тиббиёт ҳодимлари эса иш жараёнида бўлган.

Бундан кўриниб турибдики, бемор М.Д томонидан аввал навбатчиликдан чиқиб ярим тун бўлганлиги учун навбатчиликдан чиқиб тонг отишини кутиб дам олаётган тиббиётходимларини видеолавҳага тушириб, сўнг иш жараёнида бўлган ҳодимларга нисбатан таҳдид қилганлиги тасвирланган.

Тиббиёт муассасасида шу куни навбатчиликда бўлган шифокорлар ўз иш ўринларида бўлгани аниқланди. Шу кунги навбатчиликда бўлган шифокорлар соат тунги 00.00 дан эрталаб соат 08.00 гача бўлган вақтда ўз навбатчилик вазифаларини ситқи дилданбажаришган.

МАЪЛУМОТ УЧУН: Андижон вилоят Соғлиқни сақлаш бошқармаси бошлиғининг 2020 йил 23-сентябр кунги №256-сонли буйруғига асосан Асака туман тиббиёт бирлашмаси тасарруфидаги юқумли касалликлар шифохонасида 100 ўринли “COVID-19 билан касалланган ва касаллиги тасдиқланмаган, аммо клиник белгилари мавжуд бўлган беморлар” учун 2020 йилнинг 24-сентябр куни бўлим ташкил қилинди. Ушбу бўлимда 21 та кислород ўринлари ва 40 та кислород баллонлари мавжуд. Бундан ташқари 10 та СИПАП аппарати, 1 дона ИВЛ аппарати, 1 дона УТТ аппарати, 1дона портатив рентген аппарати ҳамда 44 дона кислород концентраторлари мавжуд.

Шунингдек, 2020 йилнинг 31-октябр кунига қадар 580 нафар беморлар маҳсус шифохонага жойлаштирилди. Улардан 505 нафарининг саломатликлари қайта тикланиб, яшаш хонадонларига рухсат берилган. Ҳозирги кунда шифохонада 75 нафар беморлар даво муолажаларини олмоқда.

Оҳирги кунларда коронавирус инфекцияси тарқалишининг бир мунча камайишига эришилганлиги, туманимизда ҳамда вилоятда эпидемиологик вазият барқарорлашганлигини инобатга олган ҳолда ушбу муассаса Андижон вилоят Соғлиқни сақлаш бошқармаси бошлиғининг 2020 йил 27-октябр кунги №309-сонли буйруғига асосан иш фаолияти якунланган. Ҳозирги кунда туманда аниқланган беморларни вилоят шифохоналарига ётқизилмоқда.

Asaka tumani hokimligi Matbuot xizmati.