Канаданинг Мус-Жо шаҳарчасида улкан буғу ҳайкали ўрнатилганига 35 йил бўлди. “Мак” лақабли буғунинг бетондан тайёрланган тимсолининг оғирлиги тўққиз тонна, баландлиги эса 9,7 метрдан иборат. У дунёдаги энг баланд буғу ҳайкали ва шаҳарчанинг энг асосий ёдгорлиги саналади, дейилади Meduza тарқатган хабарда.

Бундан тўрт йил аввал Норвегияда ҳам буғуга ҳайкал ўрнатилгач, барчаси ўзгариб кетди. Пўлатдан қуйилган ҳайкал трасса бўйида ўрнатилган ва айтишларича ҳайдовчилар унинг олдида тўхтаб дам олишади. “Стурелген” номини олган буғу ҳайкаликанадалик “шериги” 30 сантиметр баланд ва эндиликда энг баланд мақомига эга. Уни лойиҳалаштирган норвегиялик рассом Линда Баккенинг маълум қилишича, у ўз ҳайкалини атайлаб “Мак”нинг ҳайкалидан баланд қилган.

Яқинда канадалик икки нафар блогер норвегияликларнинг ишини ҳақорат, миллий ғурурга суиқасд деб аташди. Улар Мус-Жо шаҳарчаси меридан “Мак”нинг баландлигини 31 сантиметрга ошириш ва «Ослонинг бурнини ерга ишқаб қўйиш» учун бирор нарса ўйлаб топишни талаб қилишяпти.