Ҳаётда оддий нарсалар мураккаб ўзгаришларни вужудга келтиришга қодир. Биз эътибор бермайдиган бир учқун кўз кўриб, қулоқ эшитмаган кўргуликларга сабаб бўлиши мумкин.Жорий йилнинг шу кунига қадар Шаҳрихон туманида 5 та ёнғин ҳодисаси содир бўлиб, 3 нафар фуқаро куйишдан тан жароҳати олган бўлса, уларнинг аоссий сабаби лоқайдлик эканлигини кўриш мумикн.

Назармаҳрам маҳалласида яшовчи П.И. хонадонида очиқ оловдан фойдаланишда эҳтиётсизлиги сабаб ёнғин содир бўлди. Оқибатида уй-рўзғор буюмлари ёниб, зарар кўрилди. Қишнинг совуқ кунларида бесарамжонлик вужудга келди. Хавфсизлик чораларининг кўрилмагани ортидан хонадон эгаларининг ўзлари жабр кўрдилар.

Шуни айтиш мумкинки, ёнғин хавфсизлиги қоидаларига тўлиқ амал қилсак, кейин аттанг, деб қолмаймиз. Халқимизда “Кейинги пушаймон ўзингга душман”, деган доно гап бор. Бунинг учун кўп нарса талаб қилмайди. Фақат ҳушёр бўлиш керак.

Ж.Сиддиқов,

Шаҳрихон тумани ФВБ бошлиғининг ўринбосари.