Президентимиз Шавкат Мирзиёев 2017 йилнинг 2-3 июнда вилоятимизга ташрифи чоғида Хонободни ҳақиқий курорт шаҳарга айлантириш масаласига алоҳида урғу берди. Давлатимиз раҳбарининг кўрсатмаларидан келиб чиқиб, Хонобод шаҳрини 2017-2019 йилларда комплекс ижтимоий-иқтисодий ривожлантириш дастури лойиҳаси ишлаб чиқилди.

Йўл-транспорт, муҳандислик-коммуникация ва ижтимоий инфратузилма объектлари ҳолатини тубдан яхшилаш, саноат ва хизмат кўрсатиш соҳаларини жадал ривожлантиришга йўналтирилган истиқболли лойиҳаларни шакллантириш, тижорат банклари билан биргаликда Хонобод шаҳрида чорвачилик, паррандачилик, эчкичиликни ривожлантириш, бўш турган объектлардан самарали фойдаланиш, шунингдек, аҳолининг ҳордиқ чиқариши учун керакли шарт-шароитлар яратиш чора-тадбирлари алоҳида эътибор олинмоқда. Шаҳар ҳокими Мусахон Мамадалиевнинг таъкидлашича, рўёбга чиқарилиши кўзда тутилаётган 3 минг 188 та лойиҳа учун давлат бюджети, йирик компания ва ташкилотларнинг ҳомийлиги, банк кредитлари ҳамда тадбиркорлар сармояси ҳисобидан қарийб 450 миллиард сўмга яқин маблағ сарфланмоқда.

Мана икки кундирки, қуёш чарақлаётган Хонобод ўзига хос байрам оғушида. «Хонобод таровати» деб номланган анъанавий тантана Ёшлар фестивали сифатида ташкил этиляпти. Кунчиқар шаҳарда жўшқин ҳаёт қайнамоқда.

«auz.uz» online гуруҳи.