Хорижда

ЕВРОПАГА ГАЗ ТАШИЙДИГАН ТАНКЕРЛАР СОНИ ОРТГАНИ ҲАҚИДА МАЪЛУМ ҚИЛИНДИ


26.12.2021   825

АҚШдан Европага табиий газ ташийдиган танкерлар сони учдан бирга ортган, деб хабар қилмоқда Блумберг агентлиги. "Америка гази билан тўлдирилган 20 та танкер Европага йўл олди", – дейилади агентлик берган хабарда.

Блумберг тарқатган хабарга кўра, 24 декабрда АҚШдан жўнатилаётган сиқилган табиий газ ташийдиган танкерлар сони 15 та эди. Хабарда таъкидланишича, Европага жўнайдиган яна 14 та танкер якуний кўрсатмани кутиб турибди.

Европада газ нархининг қимматлашиши апрель-май ойларида кузатила бошланди, ўшанда минг куб метр газнинг нархи 250-300 доллар атрофида эди, ёзнинг охирига келиб нарх 600 долларга етди, октябрь бошида ушбу кўрсаткич минг доллардан ошди.

Декабрда эса зангори оловнинг минг куб метри икки баробарга қимматлашди. 21 декабрда минг куб метр газнинг фьючерс нархи 2190,4 долларга етиб, тарихий рекорд ўрнатганди.