ЖАМИЯТ

ДЕПУТАТ АРАЛАШУВИ: ЙЎЛИМИЗ РАВОН БЎЛДИ


23.04.2018   1985

Президентимиз Шавкат Мирзиёевнинг таклифлари асосида Ўзбекистон Республикаси Олий Мажлиси Қонунчилик палатаси депутатлари ва Сенати аъзоларининг ҳудудларда бўлиб, мавжуд муаммоларни ўрганиш билан бирга уларни ҳал этилишига кўмаклашаётгани кўпчиликни қувонтирмоқда. Бу тўғрида матбуот орқали бўлганда вакилларимизга бўлган ишончимиз янада ортмоқда.

Депутат ва Сенаторларнинг туманимизга ташриф буюраётганини эшитиб, дилимизда катта умид уйғонди. Чунки бошқа жойларда бўлгани каби, маҳалламизда ҳам ечимини кутаётган муаммолар йўқ эмас.

Аслида бу асосийси эмас. 2017 йилнинг ноябрь ойдида Навбаҳор кўчасидаги 1260 метр масофадаги йўлни таъмирталаблиги, қиш фаслининг ёғинли кунларида бу аҳолилар учун қийинчилик туғдираётгани юзасидан туманимиздан сайланган Олий Мажлис Қонунчилик палатаси депутати Муҳаррам Дадаходжаевага мурожаат қилгандик. Вакилимиз бу масалада тегишли ташкилотларга депутат сўрови билан чиқди.

Эрта баҳорда маҳалладошларимиз, кимнингдир кўмагини кутиш билан чекланмай, ўз кучи билан йўлларни текислаш ва сув йўлларини таъмирлаш ишларини амалга оширди. Бу ҳаракатимиз, депутат аралашуви натижасида, “Йўлсоз” масъулияти чекланган жамияти томонидан қўллаб-қувватланди.

Депутатларнинг куйганёрлик сайловчилар билан мулоқотининг биринчи куни қўшалоқ байрамга айланди. Таъмирлаш режалаштирилган кўчаларга асфалът ётқизиш ишлари бошланди. Умумий қиймати 223 миллион сўм бўлган ушбу лойиҳа икки кунда тўла якунланади. Бу борада депутат М.Дадаходжаева томонидан қатъий назорат ўрнатилгани ишнинг самарадорлигини оширмоқда.

Солияхон ЖЎРАЕВА,

Андижон туманидаги Ойжамол МФЙ раиси.