Доимо янгиликка интилиб яшайдиган юртдошларимизқишлоқ хўжалигида ҳам илғор технологияларни, инновацион ғояларни татбиқ этиш орқали маҳсулот етиштиришни кўпайтириш, сифатинияхшилаш ваэкспортга йўналтириш ҳаракатида бўлишмоқда. Буни биргина мева-сабзавотчиликка ихтисослашган Асака тумани фермер хўжаликларининг бугунги фаолиятидакўришимиз мумкин.

Илгари картошка қатор ораларига техника ёрдамида ишлов берилишини сира кўрмагандик. Абдупатто Муллажонов бошчилигидаги "Обод турмуш орзуси" фермер хўжалигининг эртаки картошка экилган 22,5 гектарлик майдонини культивация тиркалган техникаёрдамида чопиқ қилиш бошланди. Каттамайдонга қўл кучида ишлов бериш учун озмунча тер тўкилармиди?

Абдупатто ака янгиликка жуда ўч. Бу йил ҳеч иккиланмасданунча анъанавий бўлмаган экин – аччиқ қалампир кўчатларини 12 гектар майдонга экишни амаллади.

Пешқадамнинг бу тажрибасини ўрганиш учунвилоятнинг барча туманларидан фермерлар, томорқа эгалари келишяпти. Шу жиҳатдан қараганда вилоят қишлоқхўжалиги бошқармаси томонидан бу ерда ташкил қилинган амалий семинар барча учун бирдек фойдали бўлди. Тўғри нав танлаш, агротехника қоидаларига қатъий риоя этиш кўзланган ҳосилни олишнинг асосий шарти ҳисобланади. Йиғилганларга кўчатни экишдан тортиб, суғориш, озиқлантириш, зараркунандаларга қарши курашиш ва ҳосилнийиғиштириб олишгача бўлган жараёнлар амалий тарзда кўрсатилди.

Бугунги кунда аччиқ қалампир экспорти жаҳон қишлоқ хўжалигидаги энг сердаромад соҳалардан бирига айланди. Йилига 1 миллион тонна маҳсулот экспорт қилаётган Ҳиндистон, Хитой, Таиланд, Покистон давлатларининг тажрибасини оммалаштириш Ўзбекистонни ҳам улар қаторига олиб чиқиш имкониятини беради. Қулай иқлим, унумдор ер, сув ва ҳаво экологик тоза,сифатли маҳсулот етиштириш имкониятини беради. Янги ташкил қилинган"Чили -Уз" МЧЖ ана шу борада деҳ-қонларнинг яқин ҳамкорига айланмоқда.

– Бу йил Асака тумани бўйича жами 122 гектар ерда қалампир етиштириш режалаштирилган, –дейди "Чили-Уз" МЧЖ раҳбариДилшод Ҳакимов. –Қайта ишлаш корхоналари билан шартномага киришган жами 43 та фермер хўжалигига келтирилаётган аччиқ қалампир кўчатларини 10 кун муддат ичида экиб тугатиш тадбирларикўрилмоқда.

Тумандаги Муҳаммаджон Дадажонов раҳбарлигидаги "Сабо ҳамкор" МЧЖ томонидан бунёд этилган замонавий иссиқхонада Андижонда биринчи бор банан ниҳоллари экилди.

– Кўчатларни хориждан олиб келдик, – дейдисуҳбатдошимиз. – Парваришини жойида, муддатида бажарсак, ниҳоллар шу йилнинг ўзидаёқ ҳосил бера бошлайди. Бу ички бозорга арзон нархларда бананва унинг кўчатларини етказиб бериш имкониятини оширади.

Асакаликлар ҳаракати чиндан ҳам эътиборга моликдир. Қарангки, очиқ майдонда замонавий технологиялар қўлланилган ҳолда экспорт учун маҳсулот етиштирилаётган бўлса, иккинчи майдонга жойлаштирилган субтропик ўсимликлар озиқ-овқат неъматлари серобчилигини таъминлайди.

Жаҳонгир СОДИҚЖОНОВ.