Андижон шаҳридаги болалар истироҳат боғида Ҳалқаро болаларни ҳимоя қилиш кунига байрам тадбири бўлиб ўтди.

Боғнинг ёзги саҳнасида болалар мусика ва санъат мактабларининг, умумтаълим мактабларининг тарбияланувчилари томонидан концерт дастурлари намойиш этилди. Болалар турли спорт мусобакаларида, интеллектуал ўйинларда иштирок этдилар. Боғдаги ўйин майдончалари, турли аттракционлар, дам олиш масканлари болалар учун бепул хизмат курсатди.

-Қизиқарли ўйин ва танловларда иштирок этдим, - дейди хўжаободлик Шаҳноза Абдумаликова. – Фаол иштирок этганим учун фахрий ёрлиқ ва эсдалик совғасини олдим. Бугун мен учун энг яхши байрам бўлди.

Театрлаштирилган саҳна куринишлари, болажонлар учун суюкли бўлган эртак ва мультфильм каҳрамонларининг боғда болалар билан сайр қилишлари мурғак қалб эгаларида катта қизиқиш уйғотди.

Тадбирда, шунингдек “Баркамол авлод” маркази, умумтаълим мактаблари, мактабгача таълим муассасалари томонидан ташкил қилинган кўргазмалари намойиш этилди.

«auz.uz» online гуруҳи.