Сувнинг инсон ҳаётида тутган ўрни беқиёс. Лекин унинг қанча миқдорда ичилиши ҳамиша баҳс-мунозараларга сабаб бўлиб келган. Одамлар орасида кунига 8 стакан сув ичиш керак деган қараш энг машҳури ҳисобланади. Aслида одамнинг кунига қанча сув ичиши кўпгина омилларга боғлиқ:

Ҳаво намлиги;

Тана ҳарорати;

Вазн;
Жисмоний фаоллик;

Суюқлик ажратувчи тизим касалликлари.

Эрталаб уйқудан туриб илиқ сув ичишни одат қилсангиз бу саратон, қандли диабет, артрид, сил ва шунга ўхшаш касалликларнинг олдини олади. Диетологларнинг фикрича тўғри миқдорда ичилган сув организмни заҳарли токсинлардан тозалаб озишга ёрдам беради. Буни қарангки, сув организмда моддалар алмашинувини яхшилагани учун қариш жараёнини секинлаштирар экан. Баъзида овқат пайтида сув ичиш мумкин эмас деган гап қулоғимизга чалинади. Aммо бу ҳам хато фикр.

Гастраентолог Aнна Юркиевичнинг таъкидлашича, сувни бемалол овқатланишдан олдин ҳам кейин ҳам овқат маҳали ҳам ичиш мумкин. Маълумотлардан келиб чиқиб айтадиган бўлсак, ҳар кимнинг кунига ичадиган сув миқдори ҳар хил бўлади. Негаки, кимнингдир бўйи баланд, кимдир паст. Яна кимдир семиз бўлса, кимдир озғин. Биз ҳозир қанча сув ичишимиз кераклигини ҳисоблаб чиқамиз. Буни билиш учун тана оғирлигини 30 га кўпайтириш керак.

Масалан, сизнинг вазнингиз 50 кг бўлса, 50 ни 30 га кўпайтирасиз, 1500 чиқади. Демак, сиз кунига 1500 мл сув ичишингиз керак экан. 1 стакан сув 250 мл бўлса, сиз кунига 6 стакан сув ичишингиз керак экан.

Булар сув ҳақидаги биз билган ва билмаган ҳақиқатлар эди.

Нозимжон Мардонов,

ЎзЖОКУ талабаси.

Манба: uza.uz