Жамият

Аввал ўйланди, сўнгра уйланди


01.08.2017   1110

Уч нафар севгилиси бор йигит қай бирини хотинликка олиш борасида узоқ ўйланиб қолди. Сўнг уларнинг ҳар бирига 5000 доллар бериб, пулни нималарга сарфлашларини аниқлашга аҳд қилди.

Хушторларидан биринчиси қимматбаҳо кийим-кечаклар, энг аъло пардоз буюмлари сотиб олди, гўзаллик салонининг энг зўрига қадам ранжида қилди – хуллас, чиройда мукаммал бўлиш учун барчасини адо этди. Сўнг деди: «Мен ўзимни жудаям севаман ва шаҳарда сенинг энг гўзал хотининг борлигини барча билишини истайман».

Иккинчиси берилган пулни бўлғуси турмуш ўртоғи учун сарфлади – унга янги костюм, кўйлак, автомобили учун асбоб-ускуналар харид қилди ва айтди: «Сен мен учун энг асосийсисан. Шу боисдан барча пулни сен учун сарфладим».

Учинчиси эса 5000 долларнинг ҳаммасини айлантиришга қўйиб, яна шунча пул ишлади. «Мен сени жудаям севаман.Ақлли ва расомадли эканимни тушунишининг учун шу ишни қилдим», - деди у пулларнинг барчасини йигитга қайтараркан.

Йигит ўйланди ва уларнинг бағрикенггига уйланди.

Қиссадан ҳисса шуки, қимматга тушувчи тадбир танловида бир неча муқобили орасидан энг муҳимини танланг - кўп нарсани тежаб қоласиз.

Русчадан Ҳ. Тоҳиров таржимаси.