.Уй-жой коммунал хизмат кўрсатиш вазирининг 2020 йил 14 апрель кунги буйруғига асосан ўзининг кўп йиллик самарали меҳнати ҳамда коммунал соҳада эришган ютуқлари учун мукофотланган ходимларнинг бир гуруҳи “Уй-жой коммунал хизмат кўрсатиш аълочиси” кўкрак-нишони билан тақдирланди.

Ана шу муносабат билан 25 апрель куни “Андижон сув таъминот” масъулияти чекланган жамиятида уларнинг бир гуруҳини тақдирлаш маросими ўтказилди.

Барчамизга маълумки, коммунал хизмат кўрсатиш сохаси халқимизнинг турмуш даражасини ошириш, ахолининг кундалик эхтиёжларини қондириш, улар учун қулай яшаш шароитларини яратишда мухим ахамиятга эга.

Ана шундай мухим сохада фаолият юритаётган фидоийлари карантин даврида ҳам ахолига тоза ичимлик сув ва иссиқлик энергияси етказиб бериш, шахар ва туманлардаги кўп каватли уй-жойларни обод қилиш, шунингдек, йиллар давомида ахолини қийнаб келаётган муаммоларни изчиллик билан хал этишда фаол иштирок этмоқдалар. Шу орқали коронавирус инфекцияси тарқалишига қарши курашиш бўйича амалга оширилаётган чора-тадбирларга ўзларини муносиб хиссаларини қўшиб келмоқдалар.

Тақдирлаш маросимида сўз олган вазир ўринбосари Назиржон Назиров қисқа вақт ичида ахолини тоза ичимлик сув ва иссиқлик таъминоти сифатини сезиларли даражада оширишга, кўп қаватли уйларнинг уй-жой фондидан фойдаланиш тизимини янада такомиллаштиришга эришилганини, бунда ҳар бир ходимнинг хиссаси борлигини алоҳида қайд этди. Шунингдек, бугунги синовли кунларда коронавирус инфекцияси тарқалишига қарши курашишда фаол иштирок этиб, фидокорона меҳнат қилаётган ҳамкасбларимизга ўзининг миннатдорчилигини билдирди.

- Ҳар бир оғир меҳнатнинг охирида роҳати бўлганидек, жамоамиз билан бирга қилган ишларимизнинг йиллик интиҳосини бугун кўриб турибмиз, - дейди шаҳрихонлик Пўлатжон Абдуллаев.- Бугунги мукофот нафақат менга балки, бутун андижонлик коммуналчиларга берилган юксак эътибор ва ғамхўрлик, деб биламан. Келгусида президентимиз берган ишончни янада оқлашга астойдил ҳаракат қиламан.

Юксак мукофот билан тақдирланганлар орасида Шаҳрихон туман у-жой коммунал хизматҳамкасбларимизнинг борлиги ҳам қувонарли, албатта.

Қуйида тақдирланганлар билан танишинг:

Абдуллаев Пўлатжон Собирович - вилоят Уй-жой коммунал хизмат кўрсатиш бошқармаси Шаҳрихон туман бўлими бошлиғи;

Матмусаев Шуҳратбек Султонович - “Андижон сув таъминот” масъулияти чекланган жамияти директори;

Сотволдиев Қобилжон Ўринбоевич - “Андижон сув таъминот” масъулияти чекланган жамияти “Пахтакор” сув олиш иншооти устаси;

Кириченко Рашида Рафхатовна “Андижон сув таъминот” масъулияти чекланган жамияти лаборатори мудири;

Усманов Аҳмадали Умарович – Андижон вилоят “Иссиқлик манбаи” ДУК назорат бўлими мутахассиси;

Мамажонов Шуҳратбек Тухтасинович - Андижон вилоят “Иссиқлик манбаи” ДУК 2-энерго туман козонхона мутахассиси.

Барча тақдирланган ҳамкасбларимизни коммуналчиларнинг юксак мукофоти билан табриклаймиз!

Мукофотлар муборак бўлсин!

«auz.uz» online гуруҳи.