Бугуннинг гапи

АНДИЖОНДА БАРЧА БОЗОРЛАР, САВДО ДЎКОНЛАРИ БИР МАРОМДА ИШЛАМОҚДА, НАРХ-НАВОНИНГ ОШИШИГА ЙЎЛ ҚЎЙИЛМАЯПТИ


16.03.2020   26021

Ўзбекистонда ҳам коронавирус пайдо бўлгани ҳақидаги хабарлар ортидан мамлакат аҳолиси озиқ-овқат маҳсулотлари ва бошқа зарур харидлар учун ўзини савдо нуқталарига урди.

Натижада бозорлар, йирик дўконлар харидорлар билан гавжум бўлмоқда. Харидорлар асосан озиқ-овқат маҳсулотлари харид қилишмоқда. Улар картошка, пиёз, сабзи, ун, мой, хамиртуруш, тухум, ҳожатхона қоғози, нам сочиқчалар ва исириқ ғамлашмоқда.

Шуни алоҳида қайд этиш лозимки, вилоятдаги барча бозорлар, савдо дўконлари бир маромда ишламоқда, нарх-навонинг ошишига йўл қўйилмаяпти. Ҳокимликлар, солиқ ва бошқа мутасадди идоралар вакиллари, депутатлар томонидан тадбиркор ва савдогарлар билан суҳбатлар ўтказиб, нарх-навонинг асоссиз оширилишига йўл қўймаслик, ахолини ваҳимага солувчи миш-мишлар тарқалишининг олдини олиш бўйича тарғибот ва тушунтириш ишлари олиб борилмоқда.

Вилоят ҳокими ташаббуси билан бозорлар, қатор маҳаллалар гузарларида ярмаркалар ташкил этилиб, арзон нархларда озиқ-овқат маҳсулотлари сотилиши йўлга қўйилди.

Айни пайтда Андижон шаҳридаги Марказий деҳқон бозорида

Мол гўшти (1 кг)- 40 000 сўмдан 55 000 сўмгача

Сабзи (1 кг)-1000 сўм

Пиёз (1 кг)-1 800 сўм

Картошка (1 кг)-3000 сўм

Гуруч (1 кг)-5000 сўмдан 8000 сўмгача

Туҳум (1 дона)-500 сўмдан 600 сўмгача

Ун (1 кг)-2 900 сўм-(1 қопи) 150 000

Ёғ (1 литр)-9000 сўм

Бундан ташқари туман (шаҳар) бозорлар ва савдо комплекслар томонидан бозордаги радиоузелллар орқали озиқ-овқат, ноозиқ овқат ва қишлоқ хўжалиги маҳсулотларини суъний оширган сотувчи тадбиркорларга чора кўрилиши хақида мунтазам равишда огоҳлантириш бериб борилмоқда.

Андижон вилояти бозорлари ва

савдо комплекслари уюшмаси ахборот хизмати.