Брифингда вилоят ҳокими “Саховат ва кўмак” жамғармаси орқали кўрсатилаётган ёрдамлар ҳақида тўхталар экан, эҳтиёжманд ва кам таъминланган 31 минг та оилага 15 мартдан бошлаб 6,5 миллиард сўмли озиқ-овқат ва дори-дармон етказилганини маълум қилди.

“Куни-кеча Президентимиз андижонликларга шу мақсадлар учун яна 10 миллиард сўм ажратди. Қийланиб қолган, эҳтиёжманд оилалар учун озиқ-овқат, дори воситалари кўринишида, керак бўлса нақд пулда ёрдам кўрсатилади”, дея таъкидлади.

Ажратилаётган ёрдамнинг манзиллилигига маҳалла раислари, ўша ҳудуддан сайланган депутатлар ва сектор раҳбарлари масъуллар. Маблағларнинг талон-тарож қилинишига қатъиян йўл қўйилмайди.

Андижон шаҳри ҳамда шаҳар ва туманларда ташкил этилган Call-марказлар орқали мурожаатлар 9.00дан 17.00 гача қабул қилинади. Бу ишга жами 470 нафар волонтер ёшлар жалб қилинган.

Call-марказ телефон рақамлари: 1197 (қисқа рақам); 97-580-61-11; 99-992-14-01; (74) 225-71-30; (74) 225-71-31; (74) 225-71-32; (74) 225-71-33; (74) 225-71-34; (74) 225-71-35; (74) 225-71-36; (74) 225-71-37; (74) 225-71-39; (74) 225-71-40.

«auz.uz» online гуруҳи.