210 ўринга мўлжалланган муассасанинг очилиш маросимида вилоят ҳокими Шуҳратбек Абдураҳмонов иштирок этиб, нутқ сўзлади.

–Кўзлари кулиб турган бу болакайлар бизнинг эртамиз, келажагимиздир, – деди вилоят раҳбари. – Уларнинг ҳар томонлама баркамол бўлиб улғайиши йўлида барча шарт-шароитларни яратамиз. Ўғил-қизларимдан умидим катта.

Муассасанинг эски биноси 70 нафар тарбияланувчини қамрар эди. Янги бинонинг фойдаланишга топширилиши яна 140 ўринга имкон яратди.

–Шинамгина хоналарни айланиб, ўзимни беғубор болаликка қайтиб қолгандек ҳис қилдим, – дейди Феруза Дадабоева. – Фарзандим мана шундай барча қулайликларга эга замонавий жойларда таълим-тарбия олишидан хурсандман. Унинг қувончини айтмайсизми,“Энди янги боғчага бораман” дея мақтанишини қўймаяпти.

Ҳувайдо ҲЎЖАМҚУЛОВА,

Сарварбек ЗУҲРИДДИНОВ олган суратлар.