“Россияликлар тахминан яна ўн йилдан кейин шаҳар бўйлаб учувчисиз аэротаксиларда парвоз қилишлари мумкин”, -деди РИА Новостига берган интервьюсида “Аэронет” Миллий технологик ташаббус ишчи гуруҳи раҳбарларидан бири Сергей Жуков. – Бутун дунё бунинг учун курашяпти. Биз жаҳон кўламидаги 117 лойиҳани, жумладан Россиядагиларни ҳам кўриб чиқдик.

У ўз сўзида аэротаксини автоматик бошқарувдаги самолёт эканлигига урғу бериб, шаҳар ташқарисига жуда қисқа учиш-қўниш йўлакларини барпо этиш зарурлигини билдирди. Экспертнинг айтишича, бино томининг ўзидан тик ҳолатда учиб-қўниш жараёнини амалга ошириш эҳтимоли ҳам йўқ эмас.